【Now財經台】截至早上11時止，1小時內《彭博》用戶關注度上升最多港股，依次為中芯國際(00981)、新秀麗(01910)、復星國際(00656)、信達生物(01801)、華虹半導體(01347)。
因應美國制裁，中國晶片業務急速擴張，過去4個季度全球20家增長最快晶片公司，當中19家來自中國，開源證券最新維持中芯「買入」評級，預期公司營收仲有上升空間，中芯股價係咪值得睇好？
華盛証券分析師聶振邦認為，中芯股價短期仲有上升空間，因為上海復工對電腦嘅需求會多咗，中長線嚟講，雖然同南韓、美國比較，中芯技術仍然不足，但國內新能源汽車對晶片需求大，足以彌補技術問題，聶Sir又睇好中芯股價會上返上3月高位，即20元水平，建議投資者考慮現價買入，認為風險唔大。
