【Now財經台】截至早上11時15分止，1小時內《彭博》用戶搜尋量最多港股，依次為永利澳門(01128)、復星國際(00656)、萬科企業(02202)、中國銀行(03988)及中金公司(03908)。
中金股價今早(8日)一度升穿10元，升逾7%，其後升幅收窄，集團出現高層人事變動，首席營運官及財務總監辭任，加上中國證監會早前支持券商合併重組，市場會唔會再炒合併？中證監換主席，中央又出招提振市場，中金係咪可以受惠？
椽盛資本投資總監曾永堅指，中證監新任主席出名強勢，熟悉喺證券市場去風險，亦會帶出未來會整頓市場嘅訊息，中金高層喺呢個時間出現人事變動，難免會令市場有聯想，加上中金本身主要受惠於同投資銀行相關嘅業務，例如併購、公司融資等，估計短期會利好中金股價。
