【Now財經台】截至早上11時止，1小時內《彭博》用戶關注度上升最多港股，依次為萬科企業(02202)、路勁(01098)、融創中國(01918)、復星國際(00656)及中國石油股份(00857)。
比較少上榜嘅復星國際，市場早前擔心公司爆煲，因為槓桿大及業務廣泛，股價近期都喺4元水平徘徊，亦冇乜特別消息，只係公司繼續有做回購，究竟復星最壞時期係咪已經過咗，之後就會好轉？
椽盛資本投資總監曾永堅指，復星已過咗最惡劣時期，內地利率向下對復星嘅財務負擔有一定幫助，加上近年復星放棄咗非核心業務，令資產負債表有改善，只要復星能夠維持業務收益及穩定現金流，短期對穩住股價會有幫助。
