【Now財經台】截至早上10時45分止，1小時內《彭博》用戶搜尋量最多港股，依次為ESR(01821)、中銀航空租賃(02588)、復星國際(00656)、中金公司(03908)及快手(01024)。
中銀航空租賃昨日(14日)收市後出業績，股價今日(15日)衝上1個月高位，似乎呢份業績市場及大行都收貨，因為派息符合預期，息率有8厘，雖然暫時高息環境不利公司，但大行仍然唱好，估計下半年減息有利集團降低債務成本，令利潤率有改善，係咪意味中銀航空租賃前景樂觀？
大華繼顯執行董事梁偉源指，中銀航空租賃有兩大利好因素，首先係減息，有利購買飛機嘅成本，令出租飛機嘅收益有較大增長空間；，其次航空業疫後復甦理想，市場對飛機需求大增，加上兩大飛機製造商波音(Boeing)及空中巴士(Airbus)交付追唔上市場需求，令航空公司要向中銀航空租賃租飛機，帶動收入升，繼而推動盈利增長，因此，若美國下半年開始減息，對中銀航空租賃盈利會有好大幫助。
