【Now財經台】截至早上11時止，1小時內《彭博》用戶關注度上升最多港股，依次為碧桂園(02007)、長城汽車(02333)、中國移動(00941)、復星國際(00656)、永利澳門(01128)。
碧桂園噚日(15日)召開2024年度工作會議，主席楊惠妍強調，今年重點工作保交付、保經營同保信用，估計今年交付逾48萬套房，點解讀楊惠妍嘅講話？可對集團今年業績有冇啟示?
富途證券高級策略師譚智樂指，投資者要留意保交付同保信用，唔止係達唔達標、賣到幾多樓，而係要確保資金鏈唔會斷裂，未來唔會出現違約、爛尾項目，呢啲係公司帶出嘅重要訊息，但呢啲問題同股價關聯性唔大，碧桂園股價已跌到好殘，公司未來亦有唔少問題，係一隻高風險股，投資者必須了解實際風險，唔係只睇銷情，而融資渠道可唔可以完善，就要睇宏觀經濟狀況。
Arnold又話，即使集團賣樓收入達標，但最終會唔會違約仍然係未知數，以至做到完全保交付、保信用，佢認為呢啲目標只係空談，股價唔會受呢啲消息影響，建議投資者唔好只睇營運狀況，更要留意現金流、隱藏債務問題等。
