【Now財經台】截至早上11時止，1小時內《彭博》用戶搜尋量最多港股，依次為長城汽車(02333)、快手(01024)、復星國際(00656)、中國石油化工股份(00386)及零跑汽車(09863)。
今日(24日)排行榜頭5位有兩隻係車股，兩隻都有利淡消息拖累股價逆市急插，其中，出咗業績快報嘅長汽去年少賺15%，營業收入更跌26%，拖累股價一度跌近10%，險守8元關口，跌至8個月低位，長汽股價係咪仲有排捱？
資深證券分析師彭偉新表示，長汽股價短期仍然唔樂觀，如果RSI唔跌穿30水平，相信仲有機會反彈，因為短期有「跌過龍」嘅情況，不過，一旦跌穿30水平呢個重要關口，股價會繼續向下，因為投資者要掟貨止蝕。
Castor又提醒，若長汽股價跌穿2023年低位，即7.77元水平，後果就非同小可，所以長汽現階段唔值博。
