【Now財經台】摩根士丹利最新資金流報告指，截至今年8月底止，外資被動基金累計流入中國股票達130億美元，遠超去年嘅70億美元，外資主動基金累計流出中國股票110億美元，較去年嘅240億美元大幅減少，係咪反映市場對A股睇法逐漸改善？
瑞銀財富管理投資總監辦公室大中華區股票主管李智穎指，被動資金走法跟隨大市，當大市升，被動資金就會加注，而主動資金就會睇股份嘅基本面，喺基本面冇太大改善下，所有主動資金可能會趁高位獲利離場，睇定啲再入市。不過，H股方面，自年初DeepSeek熱潮拉動後，外資至今仍然冇明顯流出電商股。
Eva估計，下半年經濟增長會慢過上半年，7月及8月嘅消費偏弱，但9月似乎有啲苗頭可能會回復增長，若情況可以持續，或能吸引到主動資金流入A股、加倉H股。
