【Now財經台】截至早上11時止，過去1小時內《彭博》搜尋量最多港股，依次為老舖黃金(06181)、小米集團(01810)、吉利汽車(00175)、聯想集團(00992)及騰訊控股(00700)。
市傳歐盟計劃將中國混能車年度進口規模，限制喺35萬輛，最快12月1日生效，首年後配額每年增加6%，為期4年，點評估呢個措施對車企影響？吉利第2季業績靠出口扺禦內地市場「內捲」及需求疲弱影響，上半年出口量增逾47萬輛，依家有機會要「腰斬」。
富昌證券聯席董事譚朗蔚指，車企仍面對外憂內患，內地「內捲」持續，歐美又有制裁措施，吉利要「走出去」比較艱難，加上未必可以靠「走出去」，彌補返國內強勁嘅出口增長，所以仍睇得比較審慎。
Stevan又話，以比亞迪股份(01211)為例，雖然暫時未知配額點分配，但比亞迪始終係內地車企龍頭，就算配額少都會有比亞迪份。此外，比亞迪股價今日(12日)高開低走，一度由高位77.6元跌至73.7元低位，相信後市要先企穩80元樓上，短期才有機會脫險。
