【Now財經台】吉利汽車(00175)今日(29日)中午派咗季度成績表，第3季盈利增速加快，但收入增長放緩，按年僅升10%，但中期業績增長14%，呢份成績表係咪只能說好壞參半？吉利股價午後倒跌，一度挫逾4%，低見13.6元，點睇之後走勢？
元宇證券大中華股票投資總監李偉傑指，吉利銷售數據喺車股之中算好，銷量穩定兼持續有增長，海外市場佔比又高，股價放榜後捱沽主要係期內錄得匯兌虧損。
至於全年銷量可唔可以達標，Jason直指有難度，雖然歐洲設出口限制，或會刺激短期銷量，但全年要達標，每月最少要賣出約30萬輛車，多過以往平均每月嘅逾20萬輛。
Jason又認為，現時投資者對車股比較冷淡，加上行業冇利好消息，所以即使市盈率(PE)吸引，都要繼續觀望。
