【Now財經台】截至早上11時止，1小時內《彭博》搜尋量最多港股，依次為友邦保險(01299)、銀河娛樂(00027)、新世界發展(00017)、百濟神州(06160)及小米集團(01810)。
澳門9月賭收按年跌1.2%至180.6億澳門元，升幅細過預期嘅2.2%，按月更大跌17.5%。花旗指，9月賭收僅及2019年嘅82%，業界又指，9月最後10日，日均賭收較首20日跌4%。點睇10月賭收？
大華繼顯執行董事梁偉源指，其實每年黃金周前都會出現呢個現象，因為大部分旅客都會等到長假期或之後有活動再去澳門，但Steven坦言，如果睇整體賭收，計埋9月已連跌4個月，所以唔止受假期或個別活動影響，反映賭場已經吸引唔到旅客。
Steven續稱，以暑假為例，澳門遊客數量其實唔錯，但入賭場意欲就唔大，所以影響整體賭收。佢又話，10月有演唱會會NBA等活動，但去澳門嘅人可能只係以旅遊為主，所以未來幾個月及年底前都未必可以帶旺賭收。
