【Now財經台】截至早上11時止,過去1小時內《彭博》用戶搜尋量最多港股,依次為京東健康(06618)、李寧(02331)、新世界發展(00017)、中國平安(02318)、紫金礦業(02899)。
李寧今日(18日)除淨特息2.71元,特息會喺12月1日派發,月初宣派特息後第2日,股價一度衝上13.34元,但之後一直突破唔到,計返特息,股息率18厘,派息總額高達70億元,當時大行都唱好李寧,因為派息金額遠超預期,派完特息後,股價係咪就會打回原形?
資深證券分析師彭偉新表示,李寧股價好大機會打回原形,本身都係靠派特息撐住股價,除淨後利好因素冇咗,加上整體行情壓力大,市場都唔會期望下季度再派特息,加上預期會加大業務推廣開支。
Castor又話,李寧單品牌呢個經營策略,都會令市場比較擔心,如果單一品牌整體盈利增長相對疲弱,加上冇新利好因素撐股價,下跌風險會更大。
