【Now財經台】截至早上11時止,過去1小時內《彭博》用戶搜尋量最多港股,依次為新世界發展(00017)、康方生物(09926)、港交所(00388)、MiniMax(00100)、智譜(02513)。
新世界拋出「1供11」呢個震撼彈,折讓幅度高逾80%,摩根大通及瑞銀都話,供股價折讓幅度及攤薄程度之大令市場大感意外,新世界CEO話,唔係想攤薄小股東,點睇新世界今次供股?集團指,計劃清還咗永續債之後,致力恢復派息,但管理層喺電話會議冇作出任何保證,到底小股東應唔應該供?
高歌證券金融首席分析師聶振邦指,大股東及兩家金融機構會全面包銷,控股股東同一致行動人士佔逾45%,計埋包銷就佔75%,涉資約180億元,已經展現咗誠意。
聶Sir續指,小股東有供股權,可透過市場出售套現,如想用0.9元增持新世界,供股係相當吸引,所以攤薄唔係供股瓜葛嘅重點,加上每股經調整後,本來資產淨值5元,唔太可能跌到0.9元。
還債後,集資淨額最多可以還到500億元,整體債務水平可以減至900億元左右,整體資本改善後,有逾30%可以用返係發展項目入面。所以整體集資唔單係還債,仲可以推進公司業務。管理層初商積極將合適資產出售,提升公司現金流。雖然短期難回復派息,但出年下半年應該可以恢復派息,2028年派息機會相當高。
