【Now財經台】美圖公司(01357)業務近年加入人工智能(AI)概念後，喺增長方面有唔少貢獻，上月正式上市嘅新產品，生成式人工智能(Gen AI)設計助手RoboNeo會唔會可以帶動集團增長？
信達國際研究部董事趙晞文指，RoboNeo唔係依附喺美圖App身上，而係一個獨立AI，暫時見到上市後表現唔錯，公司亦提及，將會喺9月至10月開始喺旗下其他App導入RoboNeo，值得留意係，對市場嚟講，集團將AI元素同現有App做協同，無疑係加大咗市場對RoboNeo全面正式上市後，用戶量及付費情況嘅想像空間，成為股價短期嘅催化劑。佢續指，由於集團冇公布季度業績，RoboNeo對業務增長嘅貢獻，最快要等明年出全年業績時才會知道。
