【Now財經台】截至早上11時止，過去1小時內《彭博》搜尋量最多港股，依次為美圖公司(01357)、中芯國際(00981)、濰柴動力(02338)、騰訊控股(00700)及東亞銀行(00023)。
美圖近日公布首季業務狀況，核心業務未經審核收入8.52億人仔，按年增長34.3%，人工智能(AI)生產力應用年度經常收入(ARR)約5.8億人仔，按年增長56.2%。早前，傳統軟件股因擔心被AI大模型取代集體下跌，美圖最新據係咪反映集團成功用AI提升業績，唔使再擔心被取代？
資深證券分析師彭偉新表示，美圖收入增長的確亮麗，但未知可唔可以持續交到好成績，目前，AI應用正出現大混戰，多種產品同時推出及被取代，未來或面對更大挑戰。早前，市場擔心美圖可能被AI取代，估值縮水，但最終交到好成績，令投資者對美圖業績刮目相看，亦對未來前景睇法正面。
股價方面，Castor估計，美圖短期應該繼續反彈，去年3月RSI已經見底，所以今輪反彈有機會彈高啲，有望見5.8元水平。
