【Now財經台】中國銀行(03988)股價近期喺20天線，即3.77元水平上落，市場上較受歡迎嘅CALL條款都比較相似，價外17%，行使價4.5元，約200日到期，槓桿8倍至10倍，投資者揀CALL時，係咪只需留意發行商開價？
星展香港環球金融市場上市產品策略師鍾宛婷指，可以留意引伸波幅，波幅較低時可低價買入，加上臨近「7‧1」，市場繼續憧憬取消內地投資者買H股嘅股息稅，所以最近資金都傾向選擇防守性較高嘅「中特估」概念股，當中包括內銀股，中銀現時北水持倉量最多，所以投資者開始入場博CALL。
Kathrin又指，投資者除選擇行使價4.5元嘅CALL，亦建議選擇年期較長嘅條款，因內銀股行得比較慢，年期較長可以減低損失，槓桿都可以做到10倍。
