【Now財經台】截至早上11時止，過去1小時內《彭博》用戶搜尋量最多港股，依次為中國銀行(03988)、東亞銀行(00023)、快手(01024)、海底撈(06862)及中國石油股份(00857)。
排第2位嘅東亞近日傳出發票據集資嘅消息，評級機構穆迪及標準普爾就東亞嘅60億美元中期標據計劃，分別給予「Baa2」及「BBB-」評級，東亞指，呢筆錢會作一般企業用途，係咪內地經濟情況或多或少都影響東亞資產質素？
光大財富證券策略師伍禮賢指，港銀為內地投資做壞幅撥備嘅最差壞時間已過，近期內地經濟復甦勢頭向好，資產質素有望改善。不過，Kenny認為，港銀嘅本地業務復甦動力仍普遍較弱，不論按揭貸款還是零售銀行業務，雖然市場憧憬美國聯儲局第4季有機會開始減息，但相信對東亞業務幫助唔大。
Kenny又認為，睇返股息率，如果買東亞收息就冇乜優勢，預期股價繼續喺8.8元至10.8元區間上落。
