【Now財經台】截至早上11時止，1小時內《彭博》用戶搜尋量最多港股，依次為紫金礦業(02899)、港交所(00388)、中國銀行(03988)、比亞迪股份(01211)及中國石油股份(00857)。
紫金建議發行20億美元可換股債券(CB)，換股價19.84元，較昨日(17日)收市價溢價約21%，集資所得用於離岸債務再融資，另外，紫金再以每股15.5元配股集資，折讓約5%，籌近39億元，用於海外市場業務營運及發展，包括併購及營運資金等。紫金股價今早(18日)曾挫逾4%，但仍頂得住配股價，係咪反映市場覺得配股價算合理？喺金價持續高企，前景仍然樂觀？
富途證券首席分析師譚智樂指，金價高企令多隻金礦股累積唔少升幅，當呢啲公司發CB、配股等集資時，市場亦唔會特別意外。佢又話，紫金股價短線博反彈嘅空間唔大，估值亦唔係特別平，現時要留意100天線水平，有貨嘅投資者可以繼續揸，但唔建議博反彈。
