【Now財經台】截至早上11時止，1小時內《彭博》用戶搜尋量最多港股，依次為中國移動(00941)、路勁(01098)、中國銀行(03988)、龍湖集團(00960)及中國神華(01088)。
據《路透》報道，美國正調查內地3大電訊商在美國雲計算及互聯網業務嘅潛在風險，現時3大電訊商喺美國仍有少量業務，例如提供雲服務及路由器(Router)批發美國互聯網流量，制裁對3家電訊商影響大唔大？
富途證券首席分析師譚智樂指，市場相信內地電訊業都打定輸數，呢類早已充分反映喺股價上，雖然中美關係喺電訊、芯片上問題已去到「極冰冷」，相信餘下嘅業務都會受影響，雖然唔係完全冇風險，但對股價嘅影響唔大。
Arnold又指，中移動股價強勢主要受惠於有吸引嘅派息水平，近年亦冇涉及監管、制裁相關風險，所以投資者唔會突然掟貨，相信中移動股價短期有條件維持強勢。
