【Now財經台】截至早上11時止 ，1小時內《彭博》用戶搜尋量最多港股，依次為佳兆業集團(01638)、新世界發展(00027)、中國銀行(03988)、海底撈(06862)及長實集團(01113)。
佳兆業股價今日(24日)一度跌近6%，今個星期有4家內房面對清盤聆訊，當中包括佳兆業，不過，據《彭博》報道，佳兆業清盤聆訊獲法院再押後至8月12日，畀多啲時間公司制定重組計劃，點睇內房債務重組前景？
富昌證券聯席董事譚朗蔚指，內房信貸及個別企業情況仍受關注，依家市場唔太關心樓市買賣周期，只著眼派息比率、海外債務，有別於國企及央企上月已開始留意樓市有冇增長、合約交付等。
Stevan提醒，由於內房消息反覆，導致股價波動，所以現時仍未完全解決信貸資金鏈，有違約危機嘅內房唔值博，如果想買內房股，就要揀財務穩健，甚至合約銷售有起色嘅股份。
