【財經TOP SEARCH】騰訊企唔企得穩250天線？

【Now財經台】截至早上10時45分止，1小時內《彭博》用戶搜尋量最多港股，依次為香港交易所(00388)、騰訊控股(00700)、華潤啤酒(00291)、中國財險(02328)及新奧能源(02688)。

騰訊宣布《地下城與勇士》手遊5月21日正式上線，花旗睇好今季騰訊內地遊戲恢復按年增長，今季至年底總收入增長重新加快，騰訊股價見埋四個月高位兼重上250天線，今次企唔企得穩？新遊戲又可唔可以帶動騰訊股價表現？

富昌證券聯席董事譚朗蔚指，今日反彈主要係市場對新遊戲嘅憧憬，但手機遊戲對騰訊過往業績幫助唔大，加上新遊戲可唔可以「爆紅」仍然有待觀察。

佢又提到，上年12月尾，騰訊股價曾經喺317元開市後急挫，而今日反彈後企喺318元左右水平，初步鬆綁「蟹貨」，如果企穩317元，可以上望330元，但仍然要留意反彈嘅阻力位。