【Now財經台】華潤啤酒(00291)今日(18日)中午出咗全年業績，股價午後愈升愈有，潤啤幾條大數都有增長，其中，純利升逾18%，而收入增長大過成本，意味係一份收入帶動嘅業績。受惠於整體啤酒銷量及營業額上升，加上部分包裝成本下降，毛利率就升1.7個百分點至40.2%，點評價呢份啤酒股業績？
博威環球證券金融首席分析師聶振邦指，如果睇股價表現，相信市場都收貨，不過，如果拆開上下半年睇，上半年收入增長逾13%，溢利就增長約22%，但下半年僅增長10%及約18%，但值得留意係，下半年增速一向唔會好快，雖然去年下半年收入增長唔算勁，但增速仍然係過去5年最快，都係呢份業績嘅亮點，再睇埋去年下半年盈利表現，相信集團今年業績前景可以睇得樂觀啲。
股價方面，聶Sir認為，潤啤股價仍有水位，短期可上望40至42元。
