【股市脈搏】巨星傳奇限售股「解禁」唔使驚

【Now財經台】上市快滿1年嘅巨星傳奇(06683)，股價今朝(12日)高開近2%後，好快就掉頭向下，一度大跌近10%，低見9.57元，但成交未見出現異動，暫時成交金額逾700萬元。

巨星傳奇上市時，兩名基石投資者包括投資者張源持有的Blink Field，以及上市公司網龍(00777)，分別持有2000萬及逾500萬股，兩名基投持股合共佔已發行股數逾3%，比例唔算好多，明日(13日)就係公司上市滿1年，意味基投嘅股份將會解禁，但投資者其實唔使太擔心，因為張源沽貨機會應該唔大，即使網龍沽貨，但佔比咁細都唔會有太大影響。雖然巨星傳奇股價連日下跌，公司上市價4.25元，即使以現價計，仍累升逾1倍，所以暫時都唔使太擔心。