【Now財經台】網龍(00777)噚日出咗業績，股價今朝以暫時高位，低開3%後，約15分鐘後，已跌到暫時即市低位14.2元，重挫近17%，其後跌幅輕微收窄，網龍今朝喺大成交下急挫，成交股數較過去100日同時段平均大增20倍。
網龍去年少賺21%，而下半年倒退幅度擴大，較上半年大跌52%，相信同期內遊戲業務研發開支增加16%有關。雖然內地重啟遊戲版號審批，但疫情拖累經濟表現，網龍去年遊戲收入跌近6%，經營溢利亦倒退14%。此外，雖然末期息keep到40港仙，但全年派息按年大減40%。
網龍股份今朝急挫，已失守250天牛熊線，股價今年亦由升轉跌，但隨著集團加快推出遊戲，要留意遊戲業務會唔會復甦，股價下一個支持位可能要落到13元水平。
