【Now財經台】截至早上11時止，過去1小時內《彭博》用戶搜尋量最多港股，依次為騰訊控股(00700)、長和(00001)、康師傅控股(00322)、萬洲國際(00288)及金蝶國際(00268)。
騰訊會喺今日(12日)收市後出業績，市場預期，第2季收入按年增長10%，經調整盈利按年增長8%，市場關注嘅資本開支料按年增長68%至300億元人民幣以上，由於第2季係淡季，本土遊戲收入僅按年增長10%，微信人工智能代理(AI Agent)測試，旗下混元Hy3模型同小程序整合，以及下一代混元大模型推出時間，今次業績焦點係AI還是資本開支(CapEx)？
資深證券分析師彭偉新估計，市場會較關注資本開支，若開支太大，會令市場擔心短期係咪可以達至收支平衡，不過，若金額較細，市場又會擔心畀競爭對手抛離，因此，開支要做到符合市場期望，股價先會有相對好嘅表現。
Castor續指，近期唔少公司喺出業績前，股價已偷步跌咗落去，雖然反映市場有擔心，但又未必一定係壞事，因為後續再跌空間有限，甚至有機會反彈。
