【Now財經台】截至早上11時止，1小時內《彭博》搜尋量最多港股，長和(00001)、壁仞科技(06082)、中芯國際(00981)、澳博控股(00880)及新世界發展(00017)。
中芯今日會出業績，根據第3季指引，收入按季增長介乎2%至4%，毛利率將升至介乎26%至28%，市場則估計，收入按年增長約30%，淨利潤則按年增長逾90%，仍處於高速增長期，同業華虹宏力(01347)上季業績好過預期，毛利率更有驚喜，中芯會唔會一樣比到驚喜市場？但中芯股價已自高位「腰斬」，即將出爐嘅業績，幫唔幫到股價？
資深分析師曾永堅表示，中芯嘅主要市場收益放緩，毛利率可唔可以上到28%，甚至更高水平，可以反映產品組合升級及加價情況。佢又話，市場會關注第4季指引，人工智能(AI)可唔可以持續帶動圈外需求，所以要關注中芯季績及管理層提供嘅指引係咪好過預期，如果真係有驚喜，先可以帶動股價上返50天線水平，即約56元。
