【Now財經台】過去1個月，實時債券平台FSM Global(香港)5大成交企業債之中，美國大型科企佔兩席，分別係亞馬遜(Amazon)及Meta，收益率分別為6.4厘及7厘，另外2隻係滙豐控股(00005)發行嘅債券，餘下1隻係長和(00001)嘅企業債。值得留意係，2隻美國科技巨企債券收益率都高過另外3隻，係咪反映投資者對人工智能(AI)融資都有啲戒心？
FSM Global(香港)總經理陳家朗指，呢啲債券嘅年期唔同，所以息率不一，若以同一年期嘅債券作比較，見到大型科企債券收益率略高於銀行債券，而呢個現象已出現咗半年。
Jackson又話，美國科技巨企大力發展AI，導致不斷燒錢，所以投資者都擔心呢啲巨企嘅現金流，亦令科企債券收益率高過傳統金融業，所以好多投資者趁呢機「撈底」買債券。
