【now.com財經】噚日揀咗隻恒指牛(64481)，進取Mode借五分鐘圖10線守得住指數向上而出；雖然指數之後好快上到25400多一次兼有再創日內新高，不過出倉嘅時間都比較遲，以Patreon出文後再計10分鐘睇文時間嘅話，講緊係10點20分，比作戰室遲咗50分鐘，所以呢一注最終要負數收場。
但如果用返安Mode嘅話，喺緊接出進取Mode之後都見到有一個可以用得到安全Mode出倉嘅機會，呢一注出倉後持貨至下半場目見Slow STC(14.3)兩線上返超買收工，Cover到之前進取Mode嗰注之餘仲有剩。
今朝指數微跌3點開市，不過應該大家都無乜所謂，皆因呢個星期keep住見韓股屢創新高，多得三星電子與SK海力士呢兩隻權重股拓起條KOSPI。喺香港暫時係無以韓指/韓股做underlying嘅輪證，但有相關嘅ETF，(07747)、(07709)呢啲呢期應該都唔會陌生。(作戰室又唔止係輪證嘅...)
依家9點50分，睇住條恒指低開3點之後第一棍衝咗支大陽燭出嚟，仲有走到上25,500至25,599點嘅第一層熊(呢層亦都係重貨熊)，喺作戰室其實係有兩注貨準備出動：一注係即市嘅，一注又係玩過夜嘅。
即市嘅係好倉順街貨方向出，不過今朝出個位都唔靚，係真係見棍就追咗，捱過指數向下落返去今朝開市位後，幸好借得返五分鐘圖50線企住，10點前比多次25,500點樓上，暫時鬆一口氣，再到依家10點12分見指數重新再上食埋25,500至25,599點呢層重熊，人都安落啲，但喺呢度仲有無位再追呢？
依家10點16分睇小時圖已經企高於50線，Slow STC(14.3)兩線已經出緊超買再超買，靠嘅係保歷加通道口拓闊中，而作戰室早出嘅好倉有條件守到，依家上到25,700點樓上其實係開始變陣出風箏策略；所以如果係吉倉嘅話，反過來係要準備指數隨時出觸頂向下嘅Swing Trade可能。
同樣用返小時圖，見100線位25,808點，同依家嘅距離100點都唔夠，如果你睇完呢篇文之後，先去睇返小時圖，見到指數受制於呢條線嘅話，咁即日用嘅恒指熊(63703)，收回價26,068點，同現價有約560點距離夠安全，槓桿有約35.9倍夠做Day Trade，低街貨。
「咁如果過埋咁點呀？」比返個五分鐘圖出嚟等佢Slow STC(14.3)出觸頂向下都用得到嘅。
至於過夜嘅就係睇住條日線圖嘅10線，今朝指數高衝過線時都有少少打消個念頭，好歹依家日線圖上嘅Slow STC(14.3)兩線係觸底向上中。但又咁講，呢注恒指Put如果借10線而出嘅話，咁至少要確認得到10線做阻力線先，所以又未係好急嘅，作戰室裡頭就揀咗隻(28275)，行使價24,380點，同現價有約4.01%價外距離，約13.64倍槓桿，8月底到期，引伸亦都係偏低。
好矛盾呢 ~ 即日出好倉但過夜注出淡倉，所以見話隻(28275)唔駛急，可以等到今日收市前先至再決定。
作者阿珊，以技術分析玩輪證，唔貪心，努力賺取我家肥貓罐罐ฅ^•ﻌ•^ฅ。
想睇埋美日台股、金油匯幣ETF嘅玩法，請往Patreon搜尋「cbbcwar」；新書《風暴中的小資理財聖經》已於Google Book Store上架，可免費試閱。
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益（作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i) N類牛熊證投資者將不獲發任何金額；而(ii) R類牛熊證之剩餘價值可能為零。投資前應瞭解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2026。 版權所有。
