【Now財經台】截至早上11時止，過去1小時內《彭博》搜尋量最多港股，依次為金斯瑞生物科技(01548)、海底撈(06862)、藥明生物(02269)、XL二南方海力士(07709)及騰訊控股(00700)。
最近生科指數跌得比較急，已連跌5個交易日，落到250天線，同咩原因有關？其中，金斯瑞喺咩水平先值得吸納？
復星國際資產管理部投資經理李曉翀表示，現時金斯瑞盈利仍未穩定，可能要到2028年先會有清晰嘅盈利指引，令市場對債息更敏感，之前市場炒金斯瑞對「AI For Science」實驗室需求大，有更大盈利憧憬，不過，當市場炒債市利率會維持喺更高水平，亦持續更長時間，甚至重啟大型加息周期，降低折現價值，都會對生科股估值造成好大傷害。
Andrew續指，如果再炒起呢個情況，就要留意呢啲生科股係咪炒過龍，依家市場預期金斯瑞2028年市盈率(PE)約40倍，係非常貴，因此，Andrew建議投資者等調整後再考慮，如果股價調整20%以上就值得吸納。
