【Now財經台】截至早上11時止，過去1小時內《彭博》用戶搜尋量最多港股，依次為小米集團(01810)、比亞迪股份(01211)、XL二南方海力士(07709)、吉利汽車(00175)及ASMPT(00522)。
車股普今日(29日)遍升幅顯著，其中，快將推出新SUV系列嘅小米，喺大成交下抽升，一度大升9.3%，高見32元。比亞迪就因市傳發布人形機械人，以及受惠於喺日本推小型電動車，刺激股價衝上近2個月高位，點睇車股後市？
資深證券分析師彭偉新認為，雖然車股喺淡季較難突破，第2季整體交付又冇預期咁理想，但由於中央仍要靠谷內需推動經濟增長，加上近日有唔少資金從人工智能(AI)板塊流向車股，依家市場炒緊唔同嘅利好因素，佢相信，中央會推出政策支持車市。
Castor續指，小米之前嘅「SU」及「YU」系列銷量唔錯，現時可留意推出新車時，有冇能力面對市場競爭。佢建議投資者可留意30元水平及32.8元呢啲最大阻力位，佢又話，雖然小米相對強弱指數(RSI)已升至80嘅超買水平，但股價短期仍有機會再升。
