【Now財經台】截至早上11時止，過去1小時內《彭博》用戶搜尋量最多港股，依次為百威亞太(01876)、XL二南方海力士(07709)、聯想集團(00992)、舜宇光學科技(02382)及華虹宏力(01347)。
截至6月底止第2季，百威亞太收入16.78億美元，按年增長近0.2%，淨利潤2.47億美元，按年增長逾41%，勝預期。中國市場持續疲弱，雖然印度及南韓市場抵銷咗相關跌幅，但點解啤酒等內需股近日回升？
富途證券投資策略專家黃梓政認為，科技股回調有避險作用，加上夏天開始令市場憧憬天氣唔會差，以及市場短期亦對內需股有博奕心態，同埋市場預期未來會有政策出台刺激食品消費及零售，都利好內需股表現。
Brian續指，雖然百威亞太走勢一浪低於一浪，但成交仍然唔錯，建議投資者可留意7.7元至7.8元係咪繼續有支持，雖然唔係炒預期嘅首選，但仍可考慮部署。
