【Now財經台】截至早上11時止，過去1小時內《彭博》搜尋量最多港股，依次為聯想集團(00992)、中遠海能(01138)、小米集團(01810)、新鴻基地產(00016)及XL二南方海力士(07709)。
中遠海能股價今朝(15日)一度急瀉逾13%，低見18.74元，其後跌勢持續，中東局勢持續升溫，伊朗、也門胡塞武裝(Houthis)加強中東區內攻擊，有消息指，10月以嚟有逾20艘貨船及油輪，喺波斯灣(Persian Gulf)、霍爾木兹海峽(Strait of Hormuz)及阿曼灣(Gulf of Oman)被擊中。中遠海能做油品運輸生意，今年受惠於戰事令油價飆升，股價今日急瀉係咪市場擔心，雖然海峽堵塞大幅推升運費，但未必抵銷到航運風險？
資深分析師曾永堅表示，被攻擊嘅商船數量創新高的確令市場感到意外，令市場對商船喺戰火下航運嘅關注度提升，雖然睇基本面，運費大幅飆升之前的確令中遠海能股價受惠，但若戰事再升級，保險成本勢進一步上升，甚至有機會不受保。
Jaseper又話，依家中遠海能股價已經去到關鍵水平，短期要視乎守唔守得住，或升穿18.5元。
