【Now財經台】截至早上11時止，1小時內《彭博》用戶搜尋量最多港股，依次為美團(03690)、中國海洋石油(00883)、老鋪黃金(06181)、洛陽鉬業(03993)及稀宇科技(MINIMAX)(00100)。
有消息指，美國國防部更新「涉軍企業名單」，最新加入阿里巴巴(09988)及百度集團(09888)等，事實上，呢份名單嘅中資公司不時會又加又刪，例如中海油曾經喺2020至2021年上榜，當時導致美國個人、機構等唔可以買入，中海油本身係中特估概念股，單係內地資金追入已令股價升唔停，所以有冇外資買入影響唔大。
富昌證券聯席董事譚朗蔚認為，投資者唔使太擔心名單係咪真係會落實，過去幾年，名單都斷斷續續咁出現變動，所以未必係一個重要指標。Stevan建議投資者應睇公司基本因素，以油股為例，波動性、地緣政治會帶嚟短線影響，呢類股份特性係估值平、股息偏高，但現階段仍適宜以觀望為主。
