【Now財經台】截至早上11時止，過去1小時內《彭博》用戶搜尋量最多港股，分別係英矽智能(03696)、聯想集團(00992)、新世界發展(00017)、MiniMax(00100)及智譜(02513)。
金瑞斯生物科技(01548)同禮來公司(Eli Lilly and Company)昨日(17日)公布合作消息，推高英矽智能股價，英矽智能本身做生成式人工智能(Gen AI)平台業務，例如Phrama AI等嘅相關業務，但市場現時係咪更關注AI製藥、AI測試等業務？
大華繼顯執行董事梁偉源認為，呢個消息令投資者重新評估AI平台發展研究製藥嘅潛力，過往較少呢方面嘅大型合作消息，消息一出，同類股份呢兩日都有得升，英矽智能上半年收入按年勁升2.9倍，相信今年有望扭虧為盈，估值有較大上升空間。
股價方面，Steven認為，英矽出完業績後，短短1個月，由40元水平升至現時約60元，相信需要唞一唞，更重要係，今次始終係金斯瑞同禮來合作，唔係英矽智能有業務新發展，相信要等英矽智能未來有類似合作計劃，先可以再推升股價。
