【Now財經台】截至早上11時止，1小時內《彭博》用戶關注度上升最多股份，依次為新秀麗(01910)、澳門博彩控股(00880)、百濟神州(06160)、華潤萬象生活(01209)及騰訊控股(00700)。
新秀麗股價今日(13日)大幅高開近15%後，升幅一度擴升至25.7%，高見20.96元，錄得3年半以來最大單日升幅，集團出完業績後獲大行上調目標價，新秀麗前景真係咁好？股價係咪可以繼續上？
香港股票分析師協會副主席曾永堅指，新秀麗上季業績以毛利率最亮眼，主要受惠於TUMI品牌及DTC銷售渠道加強帶動。不過，睇埋之前幾季業績，集團前景唔足以令股價今日勁升，反而係技術因素帶動居多。佢又指，新秀麗股價自4月開始累積沽空壓力，其後一度由18元水平落到14元水平，今日受業績帶動衝破18元後，出現沽空回補壓力，所以股價先升得咁勁。
但Jaseper認為，雖然新秀麗收益有改善，增長亦穩定，但唔足以支持股價繼續企穩20元以上。
