【Now財經台】截至早上11時止，1小時內《彭博》搜尋量最多港股，依次為創科實業(00669)、快手(01024)、騰訊控股(00700)、新世界發展(00017)及周大福(01929)。
創科股價今日(7日)高開後，愈升愈有，一度升9.4%，高見125.3元，升勢亦有大成交配合，創科早前開設先進技術培訓中心，摩根大通指，創科是為人工智能(AI)數據中心等基礎設施布局，嚟緊係咪要更關注相關部署？
香港股票分析師協會副主席曾永堅指，創科近年積極實施企業轉型策略，由零售市場轉戰工業企業市場，主要負責AI數據中心、相關基礎設施例如電力站，因此，資本市場都開始留意創科轉型後，未來5年嘅增長前景，而喺呢個領域嘅銷售似乎有長遠增長動力。
Jasper提醒，投資者亦要留意集團過往高毛利率較高，短期可能因為競爭逐步收窄，估計估值未必可以再大幅提升，預測市盈率(PE)落返約20倍，再睇埋其他技術指標，創科股價已經超買，一定影響短期上望空間，暫時129元至130元會有較大阻力。
