【Now財經台】截至早上11時止，1小時內《彭博》全球用戶關注度上升最多首5隻港股，依次為萬科企業(02202)、騰訊控股(00700)、希慎興業(00014)、港交所(00388)、農業銀行(01288)。
萬科被穆迪降評級，展望就維持「負面」，估計未來6至12個月由於銷售持續疲弱，持續利潤面對一定壓力。此外，萬科宣布將旗下深圳龍崗萬科廣場及北京舊宮萬科廣場，賣比一個由萬科子公司有份出資嘅Pre-REIT基金。內房危機一直冇辦法解決，萬科係咪要靠賣資產「吊命」？
光大財富證券策略師伍禮賢指，內房復甦較吃力，唔同機構嘅睇法都係比較審慎，喺基本面冇改善，大行又降評級下，復甦仍需要一段時間。喺呢個情況下，Kenny相信萬科有機會繼續「瘦身」，賣走非核心資產，因為有其他公司作為合作伙伴，對萬科資金輪動有正面幫助，估計集團未來或繼續用這個方式「班資回朝」，紓緩現金流壓力，不過，要改善銷售仍有一段漫長嘅路要走。
