【Now財經台】截至早上11時止，過去1小時內《彭博》用戶搜尋量最多港股，依次為申洲國際(02313)、建設銀行(00939)、美團(03690)、交通銀行(03328)及希慎興業(00014)。
申洲昨日(28日)出完業績後，股價一度急挫近10%，收市跌幅收窄至5%，但今日(29日)仍未止跌，一度再大跌近13%，跌至55.9元嘅逾年半低位。雖然集團純利勝預期，但收入增長遜預期。公司大客嘅營運狀況點影響市場對公司嘅睇法？股價跌至現水平反映晒不利因素未？
富昌證券聯席董事譚朗蔚指，業績只係反映過去1季或半年嘅表現，但市場關注整體零售及內需前景不振，加上全球零售業前景存在不確定性，所以市場對申洲前景都有一個問號，導致股價近日重挫。
申洲今日喺大成交下再插水，Stevan認為，要睇清楚申洲前景嘅不確定性，唔好隨便撈底。
