【專家分析】攜程變陣食埋國內遊條水

【Now財經台】國家主席習近平提出，要加快建設旅遊強國，意味國策好大機會轉為力谷旅遊業，事實上，內地旅遊業喺經濟仲未明顯復甦下，仍可以逆市錄得強勁增長，到底國內遊增長空間有幾大？喺國政策力谷旅遊業之下，會唔會令攜程集團(09961)內地業務多1個增長動力？

信達國際研究部董事趙晞文指，現時內地流行「深度旅遊」，呢種新型旅遊模式同以往好唔同，會令國內遊發展空間更大，雖然吸引海外旅客對經濟有好大幫助，但需要大量配套配合，屬於中長期規劃。

攜程內地業務方面，趙晞文指，攜程一直主攻國際業務，加上早前出現嘅報復式旅遊，令集團內地業務冇咁亮眼都係正常，但佢相信，攜程會開始加強內地業務，整體表現會持續向好。