【股市脈搏】百度要跌到73元先搵到支持？

【Now財經台】百度集團(09888)股價暫時連跌第3日，今日收市失守90元關口，收報88.4元，跌2.25元或近2.5%，跌至約年半低位。

百度今輪跌勢由5月中開始，內捲捲到內地語言大模型，為迎戰阿里巴巴(09988)的「通義千問」減價，百度有兩款3月推出嘅文心大模型主力大模型都全面免費，如果以5月高位計，股價至今已累跌逾20%，同外圍人工智能(AI)概念股持續破頂完全係兩個世界。

百度股價已差唔多跌到2023年中引伸出嚟嘅支持線，短線有機會喘定，不過，始終「文心一言」大模型變現能力仍然係一個問號，內地經濟疲弱亦會拖累廣告收入，暫時似乎仍未搵到有力嘅催化劑，而上市以嚟低位，即73元水平似乎係最大嘅支持位。