【Now財經台】攜程集團(09961)下周三(16日)會派第2季成績表，參考同程旅行(00780)下調全年收入及核心在線旅遊平台OTA業務指引，擔唔擔心攜程嘅業績表現？喺反壟斷之下，攜程前景又如何？
元宇證券基金投資總監林嘉麒估計，攜程嘅情況可能比同程更差，因為同程業績暗示一線城市消費力不似預期，而攜程主要客戶正正集中於一線城市，呢啲數據的確影響攜程未來嘅指引，唔排除會再調整，繼而拖低股價，估計短期仍偏向負面。
KK續指，消費意欲未見明顯回升，一定影響旅遊出行情況，再加上反壟斷政策，負面情緒一直在叠加，導致整個行業市盈率(PE)非常低，除非作為龍頭嘅攜程業績好過市場預期，股價先有機會回穩。
