【Now財經台】截至早上11時止，1小時內《彭博》搜尋量最多港股，依次為海底撈(06862)、李寧(02331)、濰柴動力(02338)、長飛光纖光纜(06869)及京東健康(06618)。
《彭博》昨日(8日)報道，海底撈大股東張勇妻子舒萍，計劃折讓配股售2.59億股公司股份，又話減持係個人財務安排，國家稅務總局針對內地居民離岸信託最新規定，將會對過去3年離岸信託追收稅款，若張勇妻子今次減持真係同交稅有關，係咪可以視作一次性事件？
資深證券分析師彭偉新指，短線睇應該係一次性減持，但長遠而言，如果內地未來再收緊離岸信託稅款措施，可能再有減持套現動作，當市場消化咗今次呢個利淡消息後，會重新睇返海底撈基本面，不過，內地整體內需仍未有改善，餐飲行業仍處於寒冬，所以短期睇嚟，可以繼續留意10元關口。
