【Now財經台】體育用品股特步國際(01368)今日(25日)中午出咗業績，上半年收入按年跌0.6%，純利按年跌逾10%，業績又提到，受惠於旗下專業運動品牌百年跑鞋世家索康尼(Saucony)推進高端化戰略，帶動特步毛利率升1.4個百分點至46.4%，Saucony係咪特步增長引擎？至於同業李寧(02331)堅持「單品牌，多品類，多渠道」策略，係咪較難擴展海外市場？
獨立股評人李偉傑指，Saucony嘅專業跑鞋形象逐步浮現，喺馬拉松或大型國際賽事中，見到愈來愈多特步及Saucony嘅身影，對特步提升品牌效應及毛利有更高期望。他又相信，若特步擴展跑鞋以外嘅跑步周邊產品，品牌效應可望更上一層樓。
Jason又指，特步喺東南亞市場表現理想，結合銷售能力、渠道及品牌效益，令海外跨境電商收入實現翻倍式增長。
佢續指，李寧痛點在於「單品牌」，當品牌效益唔高，客戶層及銷售層就會較狹窄，得唔到消費者關注，難推高銷售。
