【Now財經台】鋰電池相關股，以至上游企業相關股今日(2日)都跌得好急，包括寧德時代(03750)及比亞迪股份(01211)，寧德更一度挫近5%，低見563.5元，係咩原因股價跌得咁急？
元宇證券投資總監林嘉麒指，其實近幾日股價都跌過，但今日跌得比較急，股價短期內已累跌10%至20%，主要有幾方原因，包括需求減少、出少咗車、價格下跌等，佢估計，下半年經營狀況都未必咁好。
寧德及比亞迪兩隻電池龍頭今日弱勢，係咪同內地明年將取消電池產品增值稅出口退稅有關？
KK認為，係多個因素令比亞迪及寧德股價跌，年初時睇嚟，今年市場情況冇咁差，鋰電池、原材料價格都冇去到呢個水平，所以好多下游客戶對全年出貨量、生產量仍有信心，不過，距離2027年只剩返4個月，需求好難喺短時間內飆升，加上上游公司毛利率唔樂觀，所以當翻炒退稅消息時，就令市場重新留意呢啲公司嘅經營狀況。
