【Now財經台】截至早上11時止，1小時內《彭博》搜尋量最多港股，依次為智譜(02513)、建滔積層板(01888)、MiniMax(00100)、濰柴動力(02338)及比亞迪股份(01211)。
美國政府點名6家中國人工智能(AI)企業，自2024年底以來，惡意「蒸餾」美國AI模型訓練自家模型、降低研發成本、推行科技霸權，所謂「蒸餾」是指利用規模較大、成本昂貴AI模型輸出嘅答案，訓練規模較小嘅AI模型，以降低開發成本。隨著中國模型愈追愈貼，美國呢啲批評係咪會愈來愈多，又會點反制？
富昌證券聯席董事譚朗蔚指，中美科技角力持續，美國反制唔會影響中國大模型發展，但近排相關股份持續弱勢，原因係經歷咗8月業績期，呢啲公司嘅總營收以倍數增長，但仍然冇錢賺，加上市場情緒較差，尤其係科指。
Stevan續指，部分AI公司開始蝕錢，股價亦持續下跌，例如智譜及MiniMax明顯轉弱，建議投資者要止蝕離場。
