【Now財經台】截至早上11時止，過去1小時內《彭博》用戶搜尋量最多港股，依次為國泰航空(00293)、希音(Shein)(00625)、比亞迪股份(01211)、紫金礦業(02899)及聯想集團(00992)。
比亞迪昨日(1日)出咗8月車銷售數據，按年增長18%至逾44萬架，但首8個月累計，按年跌逾6.8%至逾266萬架，出口按年飆1.3倍，雖然整體增長唔及其他車企，但出口仍以倍數上升，比亞迪銷量係咪都唔算太差？
Blue Water Capital投資總監李澤銘指，市場主要關注內地銷售增長，因為上月大部分車企銷售都進一步轉差，整體錄得雙位數跌幅，所以好多車企都靠加快出口撐住，不過，市場認為出口嘅可持續性唔會太耐，因為南美、巴西呢啲較大嘅內地車企出口市場會加汽車、部件入口關稅。
Alan續指，俄羅斯喺10月應該有類似動作，而其他地區嘅關稅政策亦唔係太明朗，除非內地銷售明顯改善，甚至反彈，否則，車股面臨嘅壓力都唔細。
