【Now財經台】截至早上11時止，1小時內《彭博》搜尋量最多港股，依次為美團(03690)、長飛光纖光纜(06869)、藥明合聯(02268)、紫金礦業(02899)及建滔積層板(01888)。
美團周五(28日)會派成績表，股價今日(25日)一度重挫逾6%，低見77.1元，跌至1個月低位，集團今年第1季轉蝕逾49億人仔，但市場預期上季會有改善，主要受惠於餐飲外賣價格補貼逐步減少，以及新業務經營有改善，不過，市場較關注科企資本開支(CapEx)水平，點預測美團上季業績？
復星國際資產管理投資經理李曉翀指，短期而言，資本開支的確好大機會令美團股價走弱，始終其他科企較難做到阿里巴巴(09988)人工智能(AI)業務商業化嘅水平，所以阿里配股投資者反應好好。佢估計，美團第2季盈利有機會好過預期，主要係外賣大戰影響細咗。
Andrew續指，考慮到內地消費環境，對美團下半年指引會有保留，但短期嚟講，市場擔心公司資本開支大增係過度憂慮。
