【Now財經台】建滔積層板(01888)股價8月初見咗近月低位後，反覆向上，但股價經常大上大落，周一(5日)一度炒高近12%，今朝(7日)低開唔夠1%後，跌幅一度擴大至逾6%，低見51.6元，其後曾短暫倒升。近日建滔積層板CALL輪引伸波幅變化大唔大？條款又應該點揀？
星展香港環球金融市場上市產品策略師鍾宛婷指，建滔積層板CALL輪引伸波幅變化唔大，由於之前股價大升，近5個交易日好倉有逾2000萬元流出，因為好友都想食糊先，今朝股價回套，見到再有資金流入好倉，大部分係揀逾3倍槓桿嘅條款博短線反彈，但年期相對短，最長都只係明年1月到期，價外幅度亦較大，行使價介乎60元至80元。
Kathrin表示，如果做保守部署，可以揀貼價CALL，明年2月底到期，時間損耗較小，行使價55元，到價機會較大。
