【Now財經台】截至早上11時止，過去1小時內《彭博》搜尋量最多港股，依次為小米集團(01810)、藥明生物(02269)、友邦保險(01299)、比亞迪股份(01211)及建滔積層板(01888)。
摩根士丹利指，內地黃金周期間新能源車定單按月回升，所以整體車股升得唔錯。小米股價今朝(9日)高開近1%後，升幅一度擴大升至逾9%，高見25.84元，旗下增程式SUV「澎程」上市首月鎖單逾7萬部，加上小米17 Ultra今日開始加價，由呢兩個利好消息推動嘅升勢可以維持幾耐？
大華繼顯執行董事梁偉源指，其實過往小米新車鎖單表現更好，所以今次「澎程」上市首月鎖單量只係合格，值得留意係，新車利好消息對股價嘅推動力都維持唔到好耐，尤其係其他品牌都會喺年尾出新車，一定會搶走部分需求，因此，都要睇「澎程」銷售未來keep唔keep到。
手機方面，Steven指，手機核心元件如記憶體成本持續上升，今次小米17 Ultra加價1000元人仔，只可以幫補到小小利潤。
