【Now財經台】截至早上11時止，過去1小時內《彭博》搜尋量最多港股，依次為中國宏橋(01378)、小米集團(01810)、騰訊控股(00700)、迅策(03317)及恒隆地產(00101)。
小米多款手機宣布加價，中端機型加300人仔，旗艦機小米17 Pro Max加500人仔。集團指，晶片價格上調帶嚟價格壓力，已盡力控制加幅，更預期加價情況最少持續至2027年底，甚至2028年。今次已經係小米手機今年第3次加價，點睇呢波加價潮？
王道資本及家族資產管理執行董事黃敏碩指，晶片加價一定令成本上升，如果小米要維持毛利率，犧牲一定銷售亦無可厚非。
股價方面，佢就話，7月一度由低位21.3元回升，企穩30元關口，相信大部分消息已借勢調整，現時要睇小米守唔守得住50天線，即26.5元。
