【Now財經台】截至早上11時止，過去1小時內《彭博》搜尋量最多港股，依次為老鋪黃金(06181)、安踏體育(02020)、比亞迪股份(01211)、XL二南方海力士(07709)及智譜(02513)。
老鋪黃金發盈喜，預期上半年經調整淨利潤按年最多升85%，收入按年最多升66%，但高盛指，集團面對銷售壓力及營運槓桿下跌，加上推出低價產品，預期下半年毛利率將會下跌，講明唔收貨。老鋪黃金股價今日(28日)大幅低開逾12%後，跌幅一度擴大至逾23%，低見303元，跌至年半低位，到底跌夠未？
復星國際資產管理投資經理李曉翀指，過往公司產品毛利率比同業高好多，市場預期會有新產品或設計，甚至憧憬前景，但老鋪黃金依家面對內地復甦問題，導致唔同機構預期估值及市盈率(PE)都低過6倍水平。
Andrew認為，老鋪黃金股價仍未跌定，投資者唔好隨便撈貨，不過，若見到第3季高頻數據，反映集團仍受市場歡迎等利好因素，可能有機會扭轉局面。
